Monsterbukse, tunika og kort til bursdagsbarnet

 På ettermiddagen i dag har vi vore i bursdag til niesa mi som fyller 5,

og då vert det litt heimelaga frå tante...

 Monsterbuksa er denne gang laga i Drops Nepal pnr.5

Fargane er i seg sjølv litt "dropsaktig" :)

La opp 96 masker og det vart passeleg til 5 år.

Har nytta meg av mønsterfroklaringa til "Smoochie"

ellers er det fri fantasi i fargar og mønster.

Tunikaen hadde eg liggande, den sydde eg litt tidlegare og er til litt varmare dagar enn vi har no...

 Sommarslege fargar... Pynta med Hello Kitty....

 

 Ho er ganske oppteken av sjørøveri (les Kaptein Sabbeltann) for tida, 

så det blei eit sjørøvarkort i god jentestil ;)

 Eit lite rosa Zhu-Zhu pet-marsvin  fulgde òg med gåva,

så ein kan trygt sei vi har holdt oss innafor rosa-malen!

Vi har hatt ein strålandes dag, først på skøyteisen i nydeleg sol med varm kaffi og grilling, 

og så i triveleg bursdagskalas etterpå!

Det er dagen sin det!

(kanskje eg får laga til litt bilete frå skøyteisen òg etterkvart)

Ha ein strålande søndagskveld!

 

Nok eit strikkepinneetui

Eit strikkepinneetui til mor mi har stått på dagsorden.

Eg måtte jo sy eit ho kunne ha til pinnane sine òg, og det skulle sjølvsagt 

stå i stil til strikkeveska ho har frå før.

Ikkje nokon spesiell anledning, berre kjekt å gje ein overrasking!

Stoffet var ein gong i tida kjøpt på Stoff &Stil.

 

 Ha ein fin laurdagskveld vidare!

Her i huset kosar vi oss med beste underhaldningsprogram gjennom tidene på laurdagen;

"Hver gang vi møtes"

Berre synd det er siste episode i kveld, må det berre bli laga meir i denne serien!

Herleg når det blir laga proff, god  underhaldning UTAN ein einaste intrige!

HERLEG!

Reiseetui til pinnane

 Etter å ha laga eit større etui til pinnane, måtte eg jo prøve meg på ei mindre reiseutgåve :)

Denne lagde eg litt annaleis oppe slik at lengden på pinnane ikkje er låst. 

Har oppdaga at ikkje alle pinnane mine har lik lengde så det kunne jo være lurt.

Men ser  at når eg brettar ned er det lettare for at lokket stikk litt ut på sidane 

når eg bretter det heilt igjen...

Men pytt, det gjer no nytta si!

 Var på tur eit par dagar i vinterferien, og då var det kjekt å ha med denne 

lille og lette til nokre få pinnar ekstra

 Stor og liten utgåve matcher...

Må sy nokre pinneetui til, kjekke gåver, og kan få brukt litt restestoff (og litt nytt!)

*

Trur forresten eg sette ny verdensrekord når eg var i Bergen denne veka!

Dette var det eg la igjen i følgande butikkar:

Ikea  kr: 66,-

Stoff & Stil   kr: 167,-

H&M  kr: 29,50

Denne rekorden kjem nok ikkje til å bli sletta med det første, ikkje av meg i allefall!!!  

No er det helg, og eg skal kose meg både med symaskina og strikketøy! 

Sirkelsokkar og gjenbruk...

 Har strikka sirkelsokkar etter oppskrift frå bloggen til Jorunn; "Heim og hjertero"

Måtte teste desse og vere med på "Sokkalongen" som går på Skaperglede (Facebook) 

Besøk Jorunn sin blogg så får du mønster som ho har oversatt frå engelsk og info om "Sokkalongen"

Eli Kristin med "Skorpionen's hjørne" har òg laga desse, av litt tjukkare restegarn, 

anbefaler eit besøk hos ho også!

*

Med mitt prosjekt hadde eg som mål å få brukt opp restegarn, og det fekk eg, 

ikkje èin centimeter igjen av det lilla! Trudde eg skulle ha dei lilla heilt fram,

 men eg måtte bruke det rosa på tåa for å komme i mål.

Garn: Sterk, lilla (Du Store Alpakka) og Alpakka, rosa (Sandnes)

La opp 40m på pinner 3,5

Har ingen med så små føter i heimen, så dei blir ei gåve til ei lita snuppe med ei 

kjempesnill mamma, som eg set stor pris på å ha blitt kjend med!

*

Så til grunnen for restegarnet i Sterk:

Desse sokkane strikka eg for eit år sidan, i Drops Merino Extra Fine,

men etter å ha bøta dei under, for ente gang, fann eg ut at eg ville lage nytt frå ankelen og ned.

Ingen vits i å lage nytt alt når dei er like fine oppetter leggen.

Og det går jo kjempefort å strikke sokkar på denne måten :)

Fargen blei sjølvsagt ikkje lik, men pytt kva gjer no det...

Snuppa som er eigar vart i allefall fornøgd og sokkane er varme og gode!

Papirpose

 Lenge sida det har vore eit innlegg relatert til papir/kort her hos meg,

så no var det på høg tid!

Eg har vore litt treig med sjølve innlegget òg, for det er allereie eit par veker sidan

denne fulgde med ein bursdagsgåve.

 Posen er laga med scrappeark i frå botnen av og pynta med diverse stæsj,

stjerner er jo i vinden som aldri før, så dei måtte i bruk.

Fargevalet og stjernene er ikkje tilfeldig då bursdagsbarnet sjølv nett hadde 

investert i i litt nytt i heimen i desse fargane og med stjerner sjølvsagt,

og sjølve gåva var òg i samme gata....  :)

 Ei ugle måtte også til skal ein vere oppdatert på siste skrik  ;)

Sjølve posen er fyllt med god sjokolade.

Baksida, med helsing.

 

Då er eg klar for nokre dagar vinterferie, men først er det fredagskvelden 

som skal nytast i fulle drag :)

Sheela 9 mnd

 I dag er vår nydelige Sheela (cockapoo) blitt 9 mnd.

Når eg var ute og lufta ho i formiddag hadde eg med kamera og fekk tatt nokre bilete 

i snøen, med nydeleg sol! Me like!

 Ho var nybørsta når vi gjekk ut, så pelsen var skikkelg "fluffy", og krøllene ikkje så markerte.

 

Litt snøkrystallkunst...

 Dette er favorittleiken framfor alle!

Ein flat-tygd kjegle!

Denne spring ho rundt og rundt med, og aktiviserer seg heilt på eigenhand.

Ho har helde på med denne sida ho var heilt lita, så den er nok eit viktig bytte å ta vare på!

Til å byrje med klarte ho nett så vidt å halde på den, då stakk ho likegodt hodet inni!

Såg grådig smart ut! ;)

Ho er byrja å bli ganske så langhåra, og pelsen tover skikkeleg, så vi har verkeleg

ein jobb med å halde ho nokonlunde flokefri...

Eg håpar det vert betre når ho er kvitt valpepelsen...

Mappe til strikkepinnane

Har laga meg eit etui til å ha strømpepinnene i. Har lenge hatt ein plan om å lage meg eit

nytt slik, ja NYTT, for eg har faktisk eit frå før som eg lagde i min pure ungdom, og det er ikkje 

spesielt lekkert...hi-hi....Skulle vel eigentleg ha hatt eit bilde av det òg, 

men no er det for seint...(pjuh!) :)

Det har vore i bruk til no, men berre i ein skuff, og stort sett oppslått berre slik at pinnane låg i ro.

Det var ikkje stiva av med dobbelt lag stoff og vliselin inni, så dette vart mykje betre.

Fann fram noko restestoff og kom nesten i vårstemning!

(Det er -12 ute så det går nok fort over!)

Eg lurte litt på om eg skulle ha knyting rundt eller borrelås, men enda på denne patenten med ein knapp og eit strikk. Ikkje noko krøll med knyteband som heng og sleng eller borrelås som set seg fast i strikktøyet... Vart i grunnen godt fornøgd med denne løysinga, praktisk at strikken justerer seg sjølv alt etter kor mange pinnar som ligg i.

Eg skal lage meg eit til, til dei litt tjukkare pinnane, det er jo slett ikkje alle pinnane som 

har fått plass her. Og når ein er på farten og skal ha med seg to eller tre sett med strømpepinnar i 

veska er det nok praktisk med ei lita utgåve, så det spørs om ikkje det skal syast òg!

Og så skulle eg hatt eit eige nett eller liknande til sjølve strikketøyet....

hm...her ballar det visst på seg =)

Vel-vel, får vel tilbake til snuppa som har vore heime med feber og vond hoste/hals i dag!

Har stort sett gått i ein-eller-anna "Channel" på tv, kortspill, varm solbærsaft, 

ligge-rett-ut-på-sofaen, og strikketøy på mor...

Kosegenser ala Skappel

 Då er eg endeleg ferdig med kosegenseren til snuppa!

Har ikkje tatt himla lang tid, men kan ikkje seie at dette er inspirerandes strikking...

Synes det er sååååå kjedeleg å strikke berre riller.

Men gensaren vart myk og god, ser vel ikkje akkurat ut som noko praktverk men....

Eg strikka den etter denne modellen som eg fann hos Ullent eventyr

For meg var det mykje meir tiltalande å begynne på denne utgåva som er strikka i eit heilt stykke.

Strikka altså fram- og bakstykke i eitt (laga hol til hals og fortsatte nedover ryggen).

Plukka opp maskar langs skuldrane og strikka ermane ut derfrå i eit stykke = lite montering!

Hadde tenkt å ta bilete før eg monterte, men kl. 23.30 i går kveld vart det gløymt...

Brukte mønster etter 11 år (snuppa er 9år) Har strikka i Drops Alpakka (grå) og Drops Kid Silk (kvit)

Eg brukte 4 nøster med Alpakka og 3 nøster Kid Silk. Pinne nr.7

Så må eg nesten ta med eit bilete av den fine gensaren eg har fått meg!

Eg var så heldig at mor mi ville strikke gensar til MEG!!!

Og fekk velge gensar frå øvste hylle! Wow!

Då var valget  ganske så enkelt, eg har lenge likt denne gensaren, men aldri i verda om eg 

hadde planar om å strikke så mykje ribb på pinne 2,5!

Eg er svak for grå, så fargekombinasjonen vart lysare enn originalen.

Her for litt sidan var gensaren ferdig og eg er superfornøgd!

Jammen ikkje kvar dag at eg får eit strikkaplagg i gåve!

TUSEN TAKK!!!!

 

Tilbake til pinnene :)